Kataloanië keapet grûn op om Spaanske bedriuwen bûten te kearen

augustus 21, 2022 17:31

It regear fan Kataloanië hat in kantoar oprjochte dat kostbere stikken Kataloanië opkeapje moat om derfoar te soargjen dat se bliuwe sa’t se binne.

De Katalaanske organisaasje foar kustbehâld hat as foarnaamste doel om derfoar te soargjen dat doarpen en natoergebieten net feroarje yn plakken foar massatoerisme, mei grutte hotels. Ferskate aksjegroepen hiene oanstien op sa’n kantoar.

Kataloanië hat de lêste jierren te krijen mei Spaanske ûndernimmers dy’t gjin bân mei de regio hawwe en grutte hotels bouwe op plakken dêr’t dat in soad ynfloed hat op de natoer, it oansjen fan doarpen en de pleatslike kultuer.

It nije kantoar hat ynearsten in lytse jildponge: foar 2023 sit der twa miljoen euro yn. Mooglik wurdt dat bedrach letter ferhege út de toeristebelesting.

Yn it nije kantoar wurkje minsken mei tige ferskillende eftergrûnen, lykas abbekaten, miljeukundigen, biologen en filosofen.

augustus 21, 2022 17:31
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.