Ljouwerter yntroduksje foar studinten ‘LEIP! Week’ noch nea sa grut

july 31, 2022 08:35

Foar jongelju dy’t yn Ljouwert studearje sille, is de yntroduksjewike ‘LEIP! Week 2022’ fan Leeuwarden Student City dé manier om it studintelibben fan Ljouwert te ûntdekken. Dat is fan moandei 15 oant en mei tongersdei 18 augustus. 

De iepening, it LEIP! Festival, wurdt diskear fanwegen Bosk net op it Aldehoustertsjerkhôf holden mar op it Wilhelminaplein. Op it programma steane bekende nammen as Davina Michelle, Kraantje Pappie, Rolf Sanchez en oare grutte Nederlânske artysten.

Op de dagen dêrnei wurdt ûnder mear picknickt yn de Prinsetún en meisongen mei Vangrail op it Hofplein. Mei in kuier troch de stêd, de Student Walk, wurde de belangrike en nijsgjirrige plakjes ûntdutsen. Troch meidwaan oan alderhande sporten besykje de studinten om derefter te kommen wat foar harren de aardichste binne. Om de stêd en inoar kennen te learen binne it iten mei studinteferieningen en it fan in film bûtendoar genietsjen de oanwiisde mooglikheden.

Foto © Leeuwarden Student City

Studinten dy’t yn de beide foargeande jierren de yntroduksjewike troch de koroana misse moasten, kinne ek oan de yntroduksje fan dit jier meidwaan.

Sjoch https://www.leip.nu/nieuws/het-programma-van-leip-week-2022/ en foar mear ynformaasje en kaartjes op https://www.leip.nu/.

july 31, 2022 08:35
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.