NASA toant grús fan planetoïde Bennu
Resint ferskynd
Romtefeartorganisaasje NASA hat bylden toand fan meunsters fan planetoïde Bennu. De stikjes grús út de romte kamen foarige moanne mei in kapsule fan NASA op ierde oan. De ûntbleating wie yn de Johnson Space Center yn Houston yn ’e Feriene Steaten.
Foto: NASA
It is de grutste samling bûtenierdsk grús dy’t ea nei de ierde brocht is. De operaasje fan ferline moanne wie dan ek gjin maklike. Mei in kegelfoarmich apparaat dat op in lytse, fleanende skûtel liek, kamen de stikjes fan de planetoïde op 24 septimber yn de Feriene Steaten oan. De kapsule, fêstplakt oan romtesonde Osiris Rex, wie sûnt 2020 ûnderweis en hat in goed miljard kilometer ôflein. It grús kin helpe by it ûndersyk nei it ûntstean fan libben op ierde, sizze de wittenskippers dy’t it analysearje. Sy litte witte dat it it grutste koalstofrike meunster fan in planetoïde is dat ea nei de ierde brocht is.
Foto: NASA
Wittenskippers ferwachtsje dat der op syn minst in kopke fol grús yn ’e kapsule sit. De krekte hoemannichte is noch net bekend, want it haadfak fan de kapsule is noch net iepene. Mei de stof fan planetoïde Bennu kin mear ûndersyk nei ús sinnestelsel dien wurde.
Faaks ek nijsgjirrich
Foar it earst mei kearnfúzje mear enerzjy opwekke as deryn stutsen is 
Marslanner kriget gjin enerzjy mear en nimt ôfskie 
Undersyk nei geotechnyk om opwaarming ierde tsjin te gean 
NASA sil kearnoandriuwing yn ’e romte teste om flugger nei Mars te reizgjen 
James Webbteleskoop leit seldsum momint stjer fêst, koart foar supernova 
Untdekking James Webb-teleskoop: eksoplaneet TRAPPIST-1b hat dochs gjin atmosfear 
Fideoskiljen útkomst foar iensume pappegaaien Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje