Swamdei yn Natuermuseum Fryslân
Resint ferskynd
- Frysk Museum keapet earste wurk mei Hylper sêne fan Christoffel Bisschop 0
- Utstallingen sûnder grinzen iepene 0
- Dinosaurus Barry wurdt feild: ‘Tige goed bewarre bleaun’ 0
- Eise Eisinga Planetarium kriget Wrâlderfgoedstatus 1
- Nijewier kriget as lêste doarp yn Noardeast-Fryslân it Fryske plaknammeboerd 0
Op snein 24 septimber 2023 fiert de Poddestuollewurkgroep Fryslân, ferbûn oan it Natuermuseum Fryslân, syn tritichjierrich jubileum. De wurkgroep bestiet út in tweintichtal leden dy’t har entûsjast dwaande hâlde mei it ûndersyk nei poddestuollen yn Fryslân. Dy feestlike dei organisearret de wurkgroep ferskate aktiviteiten yn it Natuermuseum, dêr’t bern, heiten en memmen en paken en beppen mei de wûndere wrâld fan poddestuollen yn ’e kunde komme kinne.
Foto: Betty Kooistra
Foto: Sjoerd Greydanus
Der binne koarte lêzingen dêr’t besikers oan ’e hân fan prachtige foto’s in ynlieding oer poddestuollen yn krije. Wa’t dêrnei sels op ‘e siik wol nei poddestuollen kin mei in ekskurzje nei de Prinsetún. Dêr wurdt ek in wurkatelier jûn oer it fotografearjen fan poddestuollen, mei ferskate nuttige tips en trúks.
In bysûndere aktiviteit is it tekenjen en skriuwen fan natuersjoernalen. Yn in wurkatelier fan in oere wurdt útlein hoe’t men waarnimmingen fan poddestuollen op in nijsgjirrige wize yn in sjoernaal fêstleit. Bern kinne sels dwaande mei it nifeljen fan poddestuollen.
Koartsein, de Swamdei ûnthjit foar jong en âld in nijsgjirrige en learsume dei te wurden.
Faaks ek nijsgjirrich
Lêzing Fryske paleontolooch Anne Schulp yn Natuermuseum Fryslân 
Digitale lânskipsbiografy gemeente Ljouwert 
Undersyk nei mooglik ierdgasfrij Terherne 
Sanne Kabalt nije residint Keunsthûs SYB 
Natuertafersjochhâlders FUMO kontrolearje ekstra yn ’e maitiid 
Wittenskipspriis Campus Fryslân 2023 útrikt 
Einpresintaasje Olivia D’Cruz ‘Water Witching’ yn Keunsthûs SYB Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje