‘It ritme fan RIXT’ – selektearre gedichten fan it Frysk dichterskollektyf RIXT

Dit jier bestiet it Frysk dichterskollektyf RIXT fiif jier. Yn maaie 2018 kaam in groep dichters byinoar en waard de namme fan de ferneamde Fryske dichteresse Rixt (1887-1979) keazen foar it kollektyf dat de poëzy yn Fryslân oars op ’e kaart sette woe. Op it stuit nimme mear as fyftich dichters diel oan RIXT. De measte fan harren skriuwe yn it Frysk, mar der sitte ek Nederlânsktalige dichters by it kollektyf en guon dy’t yn Fryske streek- of stedstalen publisearje.

Boarne: RIXT/Utjouwerij Louise

By gelegenheid fan it earste lustrum komt RIXT, yn gearwurking mei útjouwerij Louise, mei in jubileumbondel. It is in seleksje út fiif jier poëzy by RIXT. De measte gedichten yn de bondel binne publisearre op de RIXT-webside of skreaun foar projekten organisearre troch RIXT. Fyftich dichters hawwe fersen foar de bondel oanlevere. In eksterne redaksje (Bert Looper, Henk Dillerop en Nika Stefan) hat de fersen foar de bondel selektearre. Fan alle dielnimmende dichters is ien fers opnommen. De bondel jout in grut ferskaat oan tema’s en foarmen. It is in kaleidoskopysk byld fan fiif jier poëzy yn Fryslân, mei in bysûndere klam op aktualiteit en maatskiplike tema’s.

De bondel ferskynt op 1 oktober 2023 en de presintaasje is ûnderdiel fan in middei en jûn mei sa’n tritich dichters, muzyk en dûns. Lokaasje is Theater De Bres yn Ljouwert, tiid fan 13.30 oere oant 22.00 oere. Op trije sneinen dêrnei (8, 15 en 22 oktober) sil it boek ek presintearre wurde op in rige dichtersmiddeis, dêr’t dichters yn wikseljende groepkes optrede sille, mei omtinken ek foar muzyk en byldzjende keunst. Lokaasjes binne Grou, Aldebiltsyl en Nijlemmer.

Boekgegevens
It ritme fan RIXT | 140 siden | Hurd omslach mei heal linnen rêch | € 22,50 | Utjouwerij Louise

Taheakke:Utnûging foar presintaasje It Ritme fan Rixt

---

Faaks ek nijsgjirrich

Boekpresintaasje ‘Hear fan ’e miggen’ op sneon 29 oktober by Paviljoen MeM Sjochtip: FryslânDOK ‘Is hjir noch wat te rêden?’ takom wykein Grutte Gedichtejûn Literêr Tydskrift Ensafh Anna Maria van Schurmanlêzing troch Annette Nobuntu Mul op 6 april Nij ferskynd by de Afûk: ‘Kwek kwek minemyn’ fan Hindrik van der Meer Iepenloftspul ‘Wat bisto leaflik!?’ oer Waling Dijkstra fan 8 o/m 17 juny yn Spannum Fear yn ’e Broek foar Hindrik van der Meer