PC Frjentsjer op twa lokaasjes
Resint ferskynd
De PC yn Frjentsjer is fanwegen it waar letter begûn, nammentlik om 12.00 oere. Boppedat wurde yn de earste en twadde omloop guon partijen net op it Sjûkelân ferkeatst, mar op in fuotbalfjild oan de Hertog van Saxenlaan.
In eardere edysje fan de PC (foto: Wikipedia/Theun – CC BY-SA 3.0)
De dei begûn drûch, mar fan ‘e moarn sette it al op in reinen. Dêr komt mooglik tonger en heil by.
De PC stiet woansdei 2 augustus de hiele dei sintraal by Omrop Fryslân. Fan de earste oant de lêste slach is de wedstriid streekrjocht te folgjen op de radio en fia in livebloch op de webside en de app.
Fan 14.00 oere ôf binne op telefyzje en fia de stream op de webside streekrjochte bylden fan de wedstriden op it Sjûkelân te sjen. Fan de partijen dy’t op it fuotbalfjild keatst wurde, sille de hichtepunten yn de streekrjochte útstjoering foarby komme. Foar de radio is der in ferslachjouwer dy’t de earste twa omlopen oan de Hertog van Saxenlaan folget.
Boarne: Omrop Fryslân
Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje