Twa koaren, twa konserten
Resint ferskynd
Vocaal Ensemble A Capelli út Grins en Vocaal Ensemble Leeuwarden, beide ûnder lieding fan David van Roijen, sille mei-inoar it Requiem fan Maurice Duruflé (1902-1975) útfiere. Dat dogge se yn it wykein fan 17 en 18 juny yn Grins en yn Ljouwert.
It Requiem is in prachtich wurk fan rou en treast. It bliuwt tichteby de gregoriaanske orizjinele deademis en klinkt dochs modern, as in persoanlik ferhaal. De koaren wurde begelaat troch oargel en lyts orkest fan sechstjin ynstrumintalisten. Beide koaren sjonge dêrneist ek wurden fan Poulenc, Gesualdo en Villette. Stik foar stik prachtige, soms dryste komposysjes.
De solisten binne Hanneke Tichelaar, mezzosopraan en Jitze van der Land, bariton. Oargelist is Jochem Schuurman.
It konsert op sneon 17 juny yn Grins is yn de Nieuwe Kerk. It begjint om 20.00 oere. It konsert op snein 18 juny yn Ljouwert is yn it Koepelteäter en begjint om 15.00 oere.
De tagong kostet 15 euro; foar in hiele húshâlding 40 euro, te bestellen fia
https://www.ticketkantoor.nl/shop/DurufleGroningen of
https://www.ticketkantoor.nl/shop/DurufleLeeuwarden
Ynformaasje oer de koaren: www.acapelli.nl & www.vocaalensemble-leeuwarden.nl
Faaks ek nijsgjirrich
Sympoasium ‘Seis iuwen tsjerke en stêd: de Martinitsjerke te Frjentsjer’ 
Requiem fan Maurice Duruflé yn Sint-Pitertsjerke, Grou 
Oargelkonsert troch David de Jong yn Doarpstsjerke Huzum op 17 febrewaris 
Stabat Mater fan Pergolesi op passykonsert yn Grou 
Bernard Smilde-priis dit jier foar it Kwartettekoar 
Einpresintaasje Sanne Kabalt op sneon 17 desimber yn Keunsthûs SYB 
DINA mei ‘medisyn’ yn Kultuerpoadium Doarpstsjerke Huzum op snein 30 april Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje