Sealterfryske opskriften yn de Litje Skoule Skäddel
Resint ferskynd
Foto: Litje Skoule Skäddel
It sichtber meitsjen fan it Sealterfrysk yn it Dútske East-Fryslân buorket foarút. Yn april is de Dútsktalige paadwizer yn it gemeentehûs al ferfongen troch in twatalige Dútsk/Sealterske paadwizer. No hat de Litje Skoule yn Skäddel de folgjende stap set. Alle doarren hawwe dêr no ientalige Sealterfryske opskriften. De klasselokalen hienen allegear in Sealterfryske plaknamme, dy’t no mei grutte letters op de doarren skreaun is. De oare keamers binne ek foarsjoen fan Sealterfryske teksten.
De Sealterfryske beneamingen binne in inisjatyf fan juf Ingeborg Remmers, dy’t op skoallen al langer kampanje fiert foar it Sealterfrysk. Sy is de skriuwer fan it nije learboek Seeltersk lopt, jout Sealterfrysk en brûkt it ek as ynstruksjetaal foar oare fakken yn de twatalige klasse. De Sealterfryske teksten binne mooglik makke troch finansiering fan it Nedersaksyske ministearje fan Underwiis.
De Oarbaidskring Seeltersk, dêr’t ûnder oare de gemeente Sealterlân en de Sealterske skoallen yn fertsjintwurdige binne, stribbet dernei om it Sealterfrysk yn it deistich libben sichtberder te meitsjen.
Foto: Litje Skoule Skäddel
Faaks ek nijsgjirrich
Perfester Frysk Goffe Jensma yn ’e pleit foar bettere lessen Frysk op skoalle 
Jurre Kuipers, Marrit Boetje en Marije Reitsema winne FeRstival 
Kommendeweis: de Fryske edysje fan ‘Lampje’ 
Praat mar Frysk, ek mei nije Fryskpraters 
Minister Wiersma op besite by Westermarskoalle op ’e Jouwer 
Sjongeres Iris Kroes skriuwt tekst Grut Frysk Diktee Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje