Konsert Ljouwerter Bachferiening yn Doarpstsjerke Huzum op 2 juny

De Ljouwerter Bachferiening – in koar fan entûsjaste, betûfte sjongers – jout op freed 2 juny in konsert yn de Doarpstsjerke Huzum.

Foto: Ljouwerter Bachferiening

Yn 1948 waard it koar oprjochte troch Kor Ket, bekend musikus yn Fryslân en grut leafhawwer fan Johann Sebastian Bach. Syn doel wie om de wurken fan Bach foar in breed publyk hearre te litten. Tsjintwurdich sjongt it koar neist muzyk fan Bach ek wurken fan oare klassike en hjoeddeiske komponisten.

Konsert Ljouwerter Bachferiening û.l.f. Geke Bruining-Visser
Yn de rige ‘Muzyk +’ fan Kultuerpoadium Doarpstsjerke Huzum, Ljouwert: a-kapellawurken mei û.o. it motet Jesu meine Freude fan Johann Sebastian Bach.
Freed 2 juny 2023 fan 17.00 oant 18.00 oere.
Tagong fergees; in frijwillige bydrage wurdt op priis steld.
Fergees parkearje kin foar de Intratuin oer (súdside Tynjedyk).

Mear ynformaasje is te finen op www.dorpskerkhuizum.nl, www.facebook.com/dorpskerkhuizum en leeuwarderbachvereniging.nl.

Sneon 16 septimber o.s. fiert it koar syn 75-jierrige bestean mei in konsert yn de Grutte of Jakobinertsjerke yn Ljouwert. Dan steane programmearre it Magnificat en de Mis yn A dur (BWV 234), beide fan Johann Sebastian Bach en ‘Ik wol dy, berntsje, hulde dwaan’ fan de diriginte fan it koar Geke Bruining-Visser.

---

Faaks ek nijsgjirrich

Boekpresintaasje ‘Hear fan ’e miggen’ op sneon 29 oktober by Paviljoen MeM It berin fan de dingen Requiem fan Maurice Duruflé yn Sint-Pitertsjerke, Grou Lânskip, Leafde en Libbensfreugde te hearren yn muzyk Twa útfieringen Krystoratoarium ‘Maria’s Lofsang’ Nije krystferskes yn it Frysk fan Sealterlân Pianokonsert Rob Faltin op snein 2 april yn Menistetsjerke Ljouwert