Opnij ûntdutsen skilderij fan Brueghel smyt yn Parys hast acht ton op
Resint ferskynd
In opnij ûntdutsen skilderij fan de Flaamske skilder Pieter Brueghel de Jonge (1564-1638) hat op in feiling yn Parys 780.000 euro opsmiten. It wurk hong jierren efter in doar yn de telefyzjekeamer fan in Frânske húshâlding.
‘Dorpsadvocaat’ fan Pieter Brueghel de Jonge (boarne: Wikipedia/Museum voor Schone Kunsten MSK Gent – publyk domein)
De famylje hie it yn it jier 1900 oankocht, mar yn ’e rin fan de jierren wie de neiteam fergetten om watfoar weardefol skilderij it gie. “Hja neamden it wol leafkjend ‘De Brueghel’, mar hiene der gjin aan fan dat it om in orizjineel wurk gie”, fertelt in feilingmaster fan feilinghûs Daquerre Val de Loira oan de parse. It wurk ‘Dorpsadvocaat’ waard tusken 1615 en 1617 skildere en toant in brûzend juristekantoar yn in doarp. It doarpslibben is in tema dat Brueghel faak fêstlei.
It skilderij is 112 sintimeter heech by 184 breed, it op ien nei grutste wurk fan Brueghel de Jonge. Hy wie de soan fan Pieter Bruegel de Alde (sûnder H yn syn efternamme), ien fan de wichtichste keunstners fan de Flaamske renêssânse en skilder fan ‘De Toren van Babel’.
Faaks ek nijsgjirrich
Keramykmuseum Prinsessehof docht mei oan PAN Amsterdam 
Komt der dochs in nije perfester Frysk yn Grins? 
Roeirêdingboat mei hynders is tenei ymmaterieel erfgoed 
De Lawei siket minsken dy’t de Twadde Wrâldoarloch yn Smellingerlân meimakke ha 
Meirinne yn de prosesje by ‘The Passion 2023’ 
Ynteraktive útstalling ‘Argyf fan de Takomst’ meikoarten yn Tresoar Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje