Rely Jorritsmapriisfraach 2023 iepensteld
Resint ferskynd
De Rely Jorritsmapriisfraach foar Fryske ferhalen en gedichten is wer iepensteld. It is de 69ste kear dat de priisfraach útskreaun wurdt. Wa’t gading meitsje wol, kin in ferhaal en/of fers ynstjoere.
Rely Jorritsma (boarne: It Skriuwersboun)
In ûnôfhinklike sjuery hifket de ynstjoeringen anonym en kin maksimaal fiif ferhalen en fiif fersen bekroane. Alle bekroande ferhalen en gedichten wurde honorearre mei € 1000. De ynstjoertermyn slút 15 maaie o.s. De sjuery bestiet út Beart Oosterhaven, Oene Spoelstra en Marrit de Schiffart.
Rely Jorritsma (Jellum 1905 – Nijmegen 1952) hie yn syn testamint bepaald dat der alle jierren in priisfraach útskreaun wurde moat foar de bêste fiif gedichten en fiif ferhalen yn de Fryske taal. Al sûnt 1954 wurdt syn winsk útfierd. De stifting Rely Jorritsmafûns hat de organisaasje opdroegen oan de stifting Frysk Letterkundich Museum en Dokumintaasjesintrum (FLMD).
De ynstjoeringen moatte digitaal as bylage ferstjoerd wurde oan rely@stiftingflmd.frl. Namme, adres en telefoannûmer fan de ynstjoerders moatte apart yn de e-mail fermeld wurde, mar bliuwe geheim foar de sjuery. Foar mear ynformaasje sjoch de webside www.stiftingflmd.frl.
Faaks ek nijsgjirrich
Literêr Sirkwy op 16 desimber yn kafee Marktzicht yn Drachten 
Sjochtip: FryslânDOK ‘Is hjir noch wat te rêden?’ takom wykein 
Grutte Gedichtejûn Literêr Tydskrift Ensafh 
Streekdichter Geart Tigchelaar presintearret bondel ‘Oer de streek’ 
Poëzywedstriid Dichter fan Fryslân 
‘De letterfretter’ is it nijste berneboek fan Lida Dykstra 
‘Pinkeltje in Friesland’ no ek yn it Frysk Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje