Dichter fan Fryslân: Frije murd
Resint ferskynd
Skriuwers en dichters steane manmachtich efter de bedrige skriuwer Pim Lammers. Hy luts him werom as skriuwer fan it berneboekewikegedicht om’t er deadsbedrigingen krige nei oanlieding fan syn koart ferhaal ‘Trainer’ (2016, foar folwoeksenen).
De Ljouwerter Krante frege de Dichter fan Fryslân om in gedicht foar it frije wurd te skriuwen. Sneon 11 febrewaris stie har gedicht ‘Frije murd’ op de foarside fan de Ljouwerter Krante.
Frije murd
Frije murd hat in ferhaal
mei in swypkjende sturt
kraaleach kostlike krûper
De kopijskriuwer wit
in goudbrune hawwe of hin
yn smoarge klauwen in lús yn de pels
sa’n sturtswyljende smycht
kinne wy op skjin papier net ha
Harrejasses, soest him smoare
as er dyn piken snipte
hou yn de stjonkende harses
De leafhawwer wol út dy pinne
mantelmurden op skrift allinne
nee, yn fiksje nea
slacht ien Frije Murd dea
Sigrid Kingma | Dichter fan Fryslân
Faaks ek nijsgjirrich
Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje