Taeke Kooistra nimt kop bij damkampioenskip

Ferslach fan Siebren Dyk

Yn it persoanlik damkampioenskip Frysk spul dat ôfrûne sneon yn Aldegea (SWF) begûn, hat Taeke Kooistra allinnich de kop nommen. De achttjinfâldich âld-kampioen hie tsjin de beide promovendy Dicky van der Meer (Terherne) en Folkert Groenveld (Jutryp) miskien dan wol in maklik programma, mar hy makke ek gjin flaters.

Folkert Groenveld (lofts) tsjin koprinner Taeke Kooistra (foto: Siebren Dyk)

Dat diene de oare favoriten wol, it raarst Jelle Wiersma. Tsjin de altyd taaie Henk Haanstra koe er net rjocht foardiel helje, en doe’t Haanstra eins op in frij ienfâldige wize in daam helje koe, wie it gau dien mei de keapman. De Wommelser sette de saken de middeis wol wer rjocht tsjin Hein de Vries. Dy hie oars earder op ‘e dei hiel knap Marten Walinga op remize holden. Dy syn broer Siebe, ferline jier de revelaasje fan it kampioenskip, liet in heal punt sitte tsjin Folkert Groenveld.

De beide legere klassen hiene bot te lijen fan allegearre ôfsizzingen; in part fan ‘e partijen sil troch de wike noch ynhelle wurde moatte.

Utslaggen en stannen
Kampioensklasse, earste omloop: Henk Haanstra (Aldegea SWF) – Jelle Wiersma (Wommels) 1-0, Hein de Vries (Ljouwert) – Marten Walinga (Waaksens) 0,5-0,5, Folkert Groenveld (Jutryp) – Siebe Walinga (Aldegea-SWF) 0,5-0,5, Dicky van der Meer (Terherne) – Taeke Kooistra (Hartwert) 0-1; twadde omloop: Wiersma – De Vries 1-0, M. Walinga  – Haanstra 1-0, S. Walinga  – Van der Meer 1-0, Kooistra – Groenveld 1-0.
Stân: Kooistra 2; M. Walinga en S. Walinga 1,5; Haanstra en Wiersma 1; Groenveld en De Vries 0,5; Van der Meer 0.

Twadde acht, earste omloop: Frans Kingma (Jorwert) – Bauke Dijkstra (Nijbeets) 0-1; twadde omloop: Dijkstra – Bernard Kroon (Blauhús) 0,5-0,5.
Stân: Dijkstra 2-1,5; Kroon 1-0,5; W. Hoekstra, P. Hoogterp, L. Westra en Tsj. Wijbenga 0-0; Kingma 1-0.

Tredde acht, earste omloop: Klaas Wiersma (Nijbeets) – Willem Schaap (Jirnsum) 0-1, Hidde de Vries (Langsweagen) – Ype Boelens (Menaam) 1-0; twadde omloop: Schaap – Siebren Dyk (Jorwert) 0-1, Boelens – F. Wiersma (Easterein) 0-1.
Stân: Schaap 2-2; De Vries en F. Wiersma 1-1; Dyk en K. Wiersma 1-0; Boelens 2-0.

---

Faaks ek nijsgjirrich

Skilderij fan Abe Lenstra troch Jeanne Bieruma Oosting te sjen Trije Fryske LF-wykeintochten lansearre KWS, Stichting Snitswike en Súdwest-Fryslân: ‘Snitswike wie in grut sukses!’ Earepinning De Fryske Marren foar Stichting Lemster Skûtsje 800.000 besiten oan earste edysje Arcadia Help by hege enerzjyrekken doarpshuzen Súdwest-Fryslân Krystfakânsje yn Natuermuseum Fryslân