Deaden en tsientallen ferwûne minsken by fjoerwurkûngelok yn Meksiko
Resint ferskynd
Yn ’e Meksikaanske stêd Santiago Tianguistenco is in deade fallen by in ûngelok mei fjoerwurk by in lyts festival. Fjirtich oaren rekken ferwûne doe’t in stik fjoerwurk ûntplofte. Yn elts gefal fiif fan harren binne der neffens de lokale autoriteiten min oan ta.
Foto: pixabay.com
Neffens parseburo AP giet it faaks om in saneamde ‘torito’, in ramt yn ’e foarm fan in bolle mei fjoerwurk derop. Dy soe by fersin oar fjoerwurk oanstutsen hawwe, wat ta de krêftige eksploazje late. De torito is yn Meksiko tige populêr. Yn Tultepec, dat krekt as Santiago Tianguistenco deunby Meksiko-Stêd leit, is alle jierren in fjoerwurkfestival. Dêr is de ‘torito-parade’ it wichtichste ûnderdiel fan.
Yn Santiago Tainguistenco wiene in protte minsken foar in jierliks feest ta eare fan de patroanhillige fan de stêd. It plak leit op inkelde tsientallen kilometers súdwesten fan Meksiko-Stêd.
Besjoch in filmke dat op sosjale media dield wurdt:
Se registra una #explosión de pirotecnia en la feria anual de San #Nicolás #Coatepec municipio de #Santiago #Tianguistenco.
Hasta el momento se reportan 16 personas heridas. pic.twitter.com/Pg39p3CC0R
— Fatima Gómez (@10Fatimagomez) September 11, 2022
Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje