Waarpraatsje: Drûch wykein

maaie 20, 2022 19:30

Aldeouwer. Foto © Jan Brinksma

DE JOUWER – Nei twa dagen mei flinke buien en op guon plakken hiel wat wetter krije wy in drûch wykein.

Freedtenacht is de loft berûn en der soe noch in buike falle kinne. De wyn giet nei it súdwesten en is matich, by de kust lâns en boppe de Iselmar frij krêftich oant krêftich. It wurdt in graad of 11.

Sneon skynt de sinne geregeld en it bliuwt, nei alle gedachten, drûch. De wyn komt út it westen en is matich. By de kust lâns en boppe de Iselmar stiet earst noch wat mear wyn. Mei 17 graden is it wat minder waarm as de lêste dagen.

Snein feroaret it waar net bot. Sinne en bewolking wikselje inoar ôf en by in matige sudewyn wurdt it mei in graad of 20 wat waarmer.

Takomme wike is it ritich en it wurdt op ’e measte dagen (krekt) gjin 20 graden.

Jan Brinksma

maaie 20, 2022 19:30
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.