Noch hieltyd lange rigen op Skiphol, mar drokte ûnder kontrôle

maaie 9, 2022 11:13

Op lofthaven Skiphol wiene ôfrûne wykein opnij lange rigen yn de fertrekhallen, mar neffens de lofthaven is de drokte behearskber. “It rint no goed troch”, seit in wurdfierder.

Foto: Wikipedia/Shirley de Jong – CC BY-SA 2.5

De reden dêrfan is dat minder passazjiers fuortgean fanwege de ein fan de maaiefakânsje. Der waarden opnij flechten skrast: KLM annulearre acht hinne- en weromflechten. Ferskate fleanmaatskippijen ferpleatsten it wykein yn totaal seis flechten nei oare lofthavens. Skiphol hat kantoarpersoniel op de lofthaven ynset om reizgers te begelieden en bûten stiet in oerkapping om it minsken komfortabeler te meitsjen. Wol moatte reizgers noch hieltyd rekken hâlde mei langere wachttiden as normaal.

Gaos yn ’e simmer foarkomme
De wurdfierder seit dat alle dagen sjoen wurdt hoe’t de drokte behearskber bliuwt. Ferline wike snein reizgen 70.000 passazjiers fan de lofthaven ôf. Sneon wiene dat der 57.000 en snein 63.000. Minister Harbers fan Ynfrastruktuer rôp ôfrûne wykein Skiphol op om alles yn it wurk te stellen om derfoar te soargjen dat fan ’t simmer net opnij gaos ûntstiet. De lofthaven seit dêr drok mei dwaande te wêzen.

Troch in grut personielstekoart en in wylde staking fan bagaazjepersoniel ûntstie oan it begjin fan de maaiefakânsje in grutte gaos op de lofthaven. Tsientallen flechten waarden skrast en ferskate flechten waarden nei oare fleanfjilden ferpleatst. Skiphol bea ekskuzen oan foar de gaos en lange wachttiden. De topman fan de lofthaven sei in grins te stellen oan it tal flechten yn drokke perioaden. It bedriuw wol meiwurkers ek better betelje om sa mear befeiligers en bagaazjepersoniel oan te lûken.

maaie 9, 2022 11:13
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.