Iepenloft-Pinksterfiering yn Greonterp

maaie 30, 2022 08:06

Snein 5 juny 9.30 oere is in Pinksterfiering ûnder lieding fan pastoar Peter van der Weide by de 200 jier âlde klokketoer fan Greonterp. In fiering ûnder de iepen himel, dat past wol by it Pinksterfeest, op in prachtich plak, eins midden yn de natuer dêr’t stilstien wurdt by it waaien fan de Geast.

Foto: Sicco Rypma

Ien fan de teksten is: “Jo azemje libben yn | Jo azemje libben út | Jo azemje nei oaren ta | mei jo wurden, jo laitsjen jo sjongen.” In fiering dus om ’op azem’ te kommen.

De fiering wurdt opfleure mei fokale en ynstrumintale muzyk troch it Sint-Ceciliakoar en de Fanfare Blauhús. Nei ôfrûn is der in kollekte foar misjonêre wurkers dy’t har ynsette foar de kwetsbere minske wrâldwiid.

Belangstellenden binne fan herte útnûge.

maaie 30, 2022 08:06
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.