Waarpraatsje: Oanhâldend rêstich

jannewaris 13, 2022 17:48

Foto © Jan Brinksma

DE JOUWER – It waar yn Fryslân wie tongersdei hast gelyk oan dat fan woansdei. Op guon plakken wie it strieljend waar, op oare plakken bleau it skier of kaam de sinne der lang om let noch by. It bliuwt hiel rêstich winterwaar.

Tongersdeitenacht wikselje bewolking en wat opklearringen inoar ôf en der soe ek wat damp ûntstean kinne. By in swakke oant matige westewyn leit de temperatuer tusken de 2 en 6 graden.

Freed liket it wer in skiere dei te wurden, mar by de kust lâns makket de sinne noch wol in kâns. De swakke wyn komt út it westen en it wurdt 6 graden.

Yn it wykein sille wy de sinne net in soad sjen, mar it bliuwt wol, sa goed as, drûch.

Jan Brinksma

 

jannewaris 13, 2022 17:48
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.