Minder leechstân trochdat winkels yn wenten feroarje

jannewaris 9, 2022 08:49 Fernijd

Ljouwert (foto: Wikimedia Commons/Michiel1972 – CC BY-SA 3.0)

De leechstân fan winkels is yn 2021 tebekrûn fan 7,5 nei 6,8 persint. Der stiene yn Nederlân goed 1750 minder gebouwen leech as it jier derfoar, berjochtet ûndersyksburo Locatus. Yn fjouwer gemeenten is it tal leechsteande gebouwen sels mei mear as in tredde part ôfnommen, nammentlik yn Deurne, Ridderkerk, Gouda en Oss. Dat hat te krijen mei de oerspande wenningmerk.

De ôfrûne jierren waard der net safolle tsjin de leechstân fan winkelpannen dien, mar dêr is yn 2021 wat yn feroare. By wenten rize de hierprizen de panne út. It is foar ynvestearders dus tige winstjaand om foar wenten te kiezen ynstee fan winkels. Dat bart dan faak yn de fleksibele skyl om de kearn fan in plak hinne, dêr’t de winkelfergunning nei trije jier leechstân ferfalt. Gebouwen yn it sintrum moatte in publyksfunksje hâlde, lykas in winkel, hoareka of biblioteek, mei’t it sintrum in plak bliuwe moat dêr’t minsken inoar moetsje kinne.

jannewaris 9, 2022 08:49 Fernijd
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.