Nederlân kriget in Fryske minister fan ûnderwiis

desimber 31, 2021 15:42

Dennis Wiersma yn 2013 (foto: Wikipedia/Sebastiaan ter Burg – CC BY 2.0)

De nije Nederlânske minister fan ûnderwiis wurdt sa’t it no liket in Fries. Auke Dennis Wiersma nimt Arie Slob syn plak as minister fan basis- en fuortset ûnderwiis oer. De 34-jierrige Wiersma is hikke en tein yn Frjentsjer en wennet op ‘t heden mei wiif en bern yn Utert. As it wat wurde sil mei it Frysk yn it ûnderwiis, is de nije minister, dy’t op it heden steatssekretaris fan sosjale saken is, in gaadliken ien om wat te feroarjen.

Wiersma dielt it ministearje mei Robbert Dijkgraaf, de âld-foaroanman fan de Keninklike Nederlânske Akademy fan Wittenskippen. Dijkgraaf wurdt minister foar it beropsûnderwiis en de universiteiten.

Der komt ek in Fryske steatssekretaris yn it kabinet. Aukje de Vries út Ljouwert wurdt steatssekretaris op it ministearje fan finânsjes, dêr’t se har mei taslaggen en dûane dwaande hâldt. Hja sil ûnder oaren foar in goed ferfolch op de taslagge-affêre soargje moatte.

desimber 31, 2021 15:42
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.