Jongfryske Mienskip freget Fryske Steaten om Rojova te erkennen

novimber 2, 2021 16:11

Ferline wike (27 oktober) berjochten wy dat Kataloanië de noch nije Koerdyske steat Rojova erkend hat (Katalaansk parlemint erkent Koerdyske steat Rojava | It Nijs).

No freget de Jongfryske Mienskip (JFM) oan Provinsjale Steaten fan Fryslân om Kataloanië dêryn te folgjen en erken Rojova ek. De JFM wiist de Steaten derop dat it net de earste kear wêze soe as Fryslân soks dwaan soe. Op 26 febrewaris 1782 naam Provinsjale Steaten ommers it beslút om de Feriene Steaten fan Amearika as soevereine steat te erkennen.

JFM: “De provinsje Fryslân ûnderskiedt him fan de oare Nederlânske provinsjes omdat allinnich yn dprovinsje Fryslân in netNederlânske autochtoane minderheid wennet (yn Fryslân wurdt it Frysk troch de mearderheid fan de bewenners praat). Dy bysûndere posysje freget om in bysûndere polityk. As jo it foar de minderheden opnimme, meitsje jo josels net altiten populêr. Soks freget wiisheid, goed belied en moed. Wy tinke dat dy trije eigenskippen passe by it karakter fan de Steaten fan Fryslân.”

De brief dêr’t de JFM fan freget om dy yn Provinsjale Steaten te besprekken en nei oanlieding dêrfan Rojova as autonome dielsteat te erkennen is hjir te lêzen.

novimber 2, 2021 16:11
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.