Konsultaasjeburo’s wolle poppen en pjutten ta bewegen oansette

oktober 31, 2021 10:44

Beweechspegel. Boarne: Feilichheidsregio Fryslân

Sport Fryslân en GGD Fryslân wolle it belang fan it bewegen fan de alderjongste bern ûnder it omtinken fan de âlden bringe. Op achttjin konsultaaasjeburo’s sil dêr in begjin mei makke wurde.

Foar poppen is genôch bewegen yn de earste seis moannen fan grut belang, omdat it in positive ynfloed op harren sosjale, kognitive en motoaryske ûntwikkeling hat. De Sûnensried hat der yn 2017 al op wiisd dat der foaral fariaasje yn it bewegen sitte moat.

De konsultaaasjeburo’s dy’t dermei eksperimintearje sille, ûndersykje sels mei watfoar materialen se dat it bêste dwaan kinne en hoe’t se der de âlden ta oerhelje kinne om dêr thús mei oan ’e slach te gean.

It Fryske eksperimint kin fuortbouwe op de suksesfolle pilot beweechstimulearjende ynrjochting fan it kennisintrum Sport & Bewegen yn ’e mande mei it Nederlands Centrum Jeugdgezondheid (NCJ) op oare plakken yn it lân. GGD Fryslân en Sport Fryslân wurkje dêrmei gear en meitsje dêr gebrûk fan.

De finansiering wurdt mei mooglik makke troch subsydzje ‘Bewegen in de Buurt’ fan JOGG, in lanlik platfoarm dat oan in sûne omjouwing foar de jeugd wurket.

Klim- en kladderkommoade. Boarne: Feilichheidsregio Fryslân

By de foto’s: Meikoarten brûke in stikmannich konsultaasjeburo’s spesjaal materiaal om it bewegen ûnder bern te stumulearjen. De beweechspegel en de klim- en kladderkommoade binne dêr foarbylden fan.
oktober 31, 2021 10:44
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.