Praat mei oer it Frysk taalbelied fan de gemeente Opsterlân

juny 2, 2021 08:49

Ynwenners útnûge om ynbring te jaan

Wapen fan Opsterlân

De gemeente Opsterlân fernijt it taalbelied. De gemeente freget ek ynbring fan de ynwenners. Op tiisdei 8 juny binne ynwenners fan de gemeente Opsterlân wolkom om yn in digitale gearkomste mei te praten oer it Frysk taalbelied.  

Taal: we brûke it allegear alle dagen. Bewust en hiel faak ek ûnbewust. Wethâlder Libbe de Vries: “Us  Fryske taal is foar de kultuer en identiteit fan de mienskip fan grutte wearde. Taalbelied moatte jo net sjen as ‘papieren werklikheid’ mar as ‘deistich yn praktyk bringe’.”

It foarige Fryske taalbelied komt út 2013 en is ferâldere. Dêrom wurdt it belied fernijd en oanpast nei  hjoeddedei. De gemeente wol dêrfoar yn petear mei elk dy’t him ferbûn fielt mei de gemeente en it brûken fan taal troch de gemeente. Ynwenners, organisaasjes, ûndernimmers en ferienings, mar ek  meiwurkers, riedsleden en bestjoer fan de gemeente prate mei oer dit ûnderwerp. Dat smyt tema’s op dy’t de basis foarmje foar it nije belied.

Op tiisdei 8 juny om 19.30 oere organisearret de gemeente Opsterland in online gearkomste foar de  ynwenners. Hokker taal brûke de ynwenners it leafst yn kontakt mei de gemeente? Yn hokker taal wolle minsken oansprutsen wurde? Wat fine minsken belangryk as it om taal giet? Ynwenners fan de gemeente binne fan herte wolkom om mei te praten oer taal en Frysk yn  it bysûnder. De gearkomste is dêrom ynteraktyf. De lieding is yn hannen fan Annewiep Bloem.

Dogge jo mei? Meld jo oan fia communicatie@opsterland.nl of 0512-386 222. Jo krije dan in link foar de gearkomste tastjoerd.

juny 2, 2021 08:49
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.