Nederlânske universiteiten fiere aksje yn De Haach

april 6, 2021 09:42

De RUG yn Grins (foto: Wikimedia Commons/Fruggo – lisinsje CC BY 1.0)

It heger ûnderwiis stiet ûnder druk en de wittenskiplike reputaasje fan Nederlân stiet op it spul. Dat sizze heechleararen, studinten en meiwurkers fan Nederlânske universiteiten. Hja fiere hjoed aksje yn De Haach om’t der neffens harren te min jild en tiid foar goed ûnderwiis is.

De universiteiten sizze dat it jild dat sy ûntfange net neffens de stiging fan it tal studinten is. Neffens de Feriening fan Universiteiten (VSNU) rint de ryksbydrage de studint al jierren tebek. Sa wie de bydrage de studint yn 2002 likernôch 20.000 euro, ferline jier wie dat 15.100 euro.

Mei de aksje ‘Normaal Akademysk Peil’ roppe de universiteiten it nije kabinet op om struktureel 1,1 miljard euro te ynvestearjen. Dêrmei moatte foaral mear dosinten oansteld wurde. Der binne mear studinten as tweintich jier lyn. Dosinten geane fan ’e middei nei De Haach, om mei de wurkjouwers, fakbûnen en studintefakbûnen in ynformaasjepakket oan Keamerleden oan te bieden. Yn studintestêden wurde ek aksjes organisearre.

april 6, 2021 09:42
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.