Waarpraatsje: Grutte ferskillen

febrewaris 1, 2021 19:10

Foto © Jan Brinksma

DE JOUWER – Nei in skiere dei mei wat winterske delslach en op guon plakken glêde diken bliuwt it tiisdei yn Fryslân oan de kâlde kant wylst it in it suden wol 10 graden wurde kin.

Yn ‘e nacht fan moandei op tiisdei is de loft berûn, mar der binne ek in pear opklearringen en dan kin der ek (wat) damp ûntstean. De swakke wyn komt út ferskate rjochtingen mar letter wurdt de wyn súdeast. De temperatuer leit op de measte plakken krekt ûnder it friespunt.

Tiisdei is de loft berûn en letter op ‘e moarn en yn ‘e middei kin der wiete snie falle. De wyn komt út it easten oant súdeasten en is swak. Letter giet de wyn nei it súdwesten en wurdt matich, by de kust lâns frij krêftich oant krêftich. De temperatuer leit om de +2 graden hinne.

Woansdei wurdt ek in skiere en wiete dei. It wurdt miskien in bytsje mylder, mar de kâns is grut dat it yn Fryslân dochs oan de kâlde kant bliuwt.

Warskôging:
Fan moandeitejûn oant tiisdeitejûn kin it op guon plakken glêd wurde.

Jan Brinksma

febrewaris 1, 2021 19:10
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.