Hegeskoalle NHL Stenden mei fan rjochter yn Grins bliuwe

desimber 20, 2020 19:47

Boarne: Wikimedia Commons – Chris Potter – CC BY-SA 2.0

Hegeskoalle NHL Stenden hoecht net út syn gebou yn Grins wei. It abbekatekantoar dat yn itselde gebou sit, hie dat easke, omdat de juristen lêst hawwe fan de studinten. Yn heger berop makke it gerjochtshôf lykwols út dat NHL Stenden sitten bliuwe mei.

De haadfêstiging fan ’e hegeskoalle sit yn Ljouwert, mar der binne ek op oare plakken fêstigings. De Iemsgoaleane yn Grins is dêr ien fan. NHL Stenden hat syn stik fan it gebou koartlyn ferboud, sadat der mear studinten teplak kinne. Dat wie net nei it sin fan abbekatekantoar Yspeert. Omdat dat syn kantoar hierd hie op it betingst dat it in saaklike útstrieling hie, joech de rjochter de abbekaten ynearsten gelyk doe’t se fan ferhierder BVG easken dat de hegeskoalle opsokkebalje moast.

De hegere rjochter wie it dêr net mei iens. Dy wie fan betinken dat de abbekaten net oantoand hiene dat se skea fan ’e studinten ûnderfine.

desimber 20, 2020 19:47
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.