Earste resultaten Oxford-faksin: 60 oant 90% effektyf
Resint ferskynd
It koroanafaksin dat de universiteit fan Oxford mei de farmaseut AstraZeneca ûntwikkelet, biedt in tige effektive beskerming, seit AstraZeneca yn in parseberjocht. Neffens de earste tuskentiidske resultaten leit de beskerming tsjin de goarre tusken sechtich en njoggentich persint.
Foto: pixabay.com
De Europeeske Uny hat sa’n 300 miljoen dosearrings fan it Oxford-faksin kocht. Hoe effektyf oft it faksin is, hinget fan de dosearring ôf. Proefpersoanen dy’t earst in heale doasis tasjinne krigen en dêrnei in hiele, blieken better beskerme as minsken dy’t twa kear de folsleine doasis krigen. Yn trochsneed komt de effektiviteit fan beide groepen neffens Astra Zeneca út op santicht persint.
De effektiviteit is leger as dy fan oare ûntwikkelders, lykas Pfizer en Moderna, dy’t beide suksespersintaazjes fan 95 kleme. Foar it faksin fan Oxfor/AstraZeneca jildt lykwols dat it goedkeaper is en boppedat makliker te bewarjen. Sa kin it yn elts gefal seis moanne yn ’e kuolkast bewarre wurde, sûnder dat it ynferzen wurde moat.
De EU hat opsjes naam op seis ferskillende faksins, neist it Oxford-faksin ek op de faksins fan Pfizer en Moderna.
Faaks ek nijsgjirrich
Koroana – wat no as de oerheid neat die? 
Tûk horloazje mooglik brûkber by fêststellen koroanafirus 
Nederlân wurket mei oare lannen oan koroanafaksin 
Ekspedysje lepra 
Hieltyd mear minsken foar twadde kear siik troch koroana Fersprieding koroanagoarre yn byld brocht 
Itensiede foar 800 flechtlingen yn Grikelân Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje