Lading grús fan Bennu yn romtesonde feilichsteld
Resint ferskynd
De romtesonde fan NASA dy’t ferline wike op de planetoïde Bennu lâne, hat mear as 900 gram grús oppakt. In pear dagen nei de lâning die bliken dat er in part fan de lading ferlear, mar no is de restearjende lading feilichsteld yn in kapsule.
It romtereau Osiris-Rex sammele op 20 oktober safolle materiaal dat stiennen yn ’e râne fan ’e kontener sitten bleauwen. Dêrtroch bleau de klep iepenstean, en gie der kostber grús ferlern. Hoefolle grús oft it romtereau krekt by him hat, is noch net bekend. Dat wurdt pas dúdlik as de kapsule mei it materiaal yn 2023 yn ’e woestyn fan Utah lânet. Osiris-Rex is op it stuit 322 miljoen kilometer by de ierde wei. It sil op syn betiidst yn maart út de buert fan de planetoïde weigean. Dan binne de asteroïde en de ierde goed útline.
Bennu sit nei alle gedachten fol koalstof en oannommen wurdt dat de planetoïde de boustiennen fan it sinnestelsel befettet. Neffens wittenskippers wurdt mei it sammele grús mear dúdlik oer hoe’t ús sinnestelsel, en dêrmei ek de ierde, miljarden jierren lyn foarme binne.
Lâning fan Osiris-Rex op Bennu op 20 oktober 2020 (byld: Wikipedia/NASA – publyk domein)
Faaks ek nijsgjirrich
Koroana – wat no as de oerheid neat die? 
Glandige riten aloan langer 
Europeeske Kommisje: Ljouwert tige ynnovatyf, mar net Capital of Innovation 2020 
NASA-sonde berikt oerflak planetoïde op 333 miljoen km fan ierde 
NASA-sonde ferliest kostber grús fan planetoïde 
“Bûtenkatten oertrêdzje Europeeske regels” 
Brannen yn Australië (2) Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje