Premier Nij-Seelân praat rêstich troch by ierdbeving

maaie 25, 2020 10:03

Beehive yn Wellington (foto: Wikipedia/ Ulrich Lange, Bochum (D) – CC BY-SA 3.0)

Yn Nij-Seelân hat moandetemoarn betiid in ierdskodding west. Dy hie in krêft fan 5,6 en hat foar safier bekend net laat ta ferwûne minsken of grutte skea. It barde wol middenyn in telefyzjefraachpetear mei premier Jacinda Ardern.

Yn it parlemintsgebou yn de haadstêd Wellington prate Ardern fia in fideoferbining mei de presintator fan it programma Newshub, doe’t de grûn begûn te skodzjen. De premier bleau opfallend kalm: “As jo efter my dingen bewegen sjogge, de Beehive (de namme fan it parlemintsgebou) beweecht in bytsje mear as normaal.”

Nei’t de ierdbeving oer wie, sei Ardern dat alles yn oarder wie. “Der hingje gjin lampen boppe-op my. It liket derop dat ik yn in stevich gebou stean.” Bûten de Beehive foel de panyk ek ta. Wol waard it treinferkear stillein en yn supermerken waarden de produkten flink trochinoar skodde. Yn Nij-Seelân binne geregeld ierdskoddings. Yn 2011 foelen by in swiere beving yn Christchurch 185 deaden.

maaie 25, 2020 10:03
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.