Living the light – Robby Müller

oktober 23, 2019 08:41

De baanbrekkende Nederlânske kameraman Robby Müller (1940-2018) wist as gjin oar mei de sinne te spyljen en de strielen as flinters te fangen. Yn syn hannen feroare de kamera yn in muzykynstrumint dat elkenien dûnsje liet en de wrâld ferljochte. Foar har bysûndere filmessee Living the Light – Robby Müller krige regisseur en kamerafrou Claire Pijman it Gouden Keal foar de bêste lange dokumintêre fan it jier.

Foto’s: Claire Pijman/NTR

Mei syn útsûnderlik gefoel foar kleurdjipte, ynnovative ferljochtingsmetoaden en syn trochgeande syktocht nei ienfâld hat director of photography Müller generaasjes fan kameraregisseurs oanmoedige om harren eigen manier fan sjen te ûntdekken. Utsein in master fan it analoge, waard er ek in digitale pionier doe’t er syn earste spylfilms mei Lars von Trier makke.

Dokumintêremakster Pijman wurke jierren foar Müller en hie tagong ta syn persoanlike argyf: tûzenen Hi8-fideodeiboeken, persoanlike foto’s en polaroids dy’t Robby Müller makke by it draaien mei regisseurs as Wim Wenders, Jim Jarmusch en Michael Winterbottom. De dokumintêre ferwevet dy bylden mei fragminten út Müllers grutte oeuvre ta in floeiend gehiel. Jim Jarmusch foeget dêr mei syn filmmuzyk in eigen lûd oan ta.

De dokumintêre belibbe syn wrâldpremjêre op it prestisjeuze ynternasjonale Filmfestival Feneensje 2018.

Utstjoering: tongersdei 14 novimber, 23.00 oere by de NTR op NPO 2
Foarfilmke: www.youtube.com/watch?v=xYUe64R8J7A

oktober 23, 2019 08:41
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.