Gedicht: Oppasbeppe

maaie 12, 2018 08:59

Oppasbeppe

Foto: pixabay.com

Sa jong binn’ se al net mear
at se al bern krije.
De karriêre giet earst foar,
oars kin it faaks noch net lije.

At mem wer oan ’t wurk wol
moatte de bern plak ha
en wat is no makliker
en bring se nei beppe ta?

Beppe faaks krekt út ’e bern,
en dat wie al in prestaasje,
moast no wer klear stean
foar de folgjende generaasje.

It âlde ‘loophek’ mocht net fuort
en de tafelstoel fansels ek net,
it komt no allegearre fan pas,
krekt as dy houten autopet.

Beppes binne ûnmisber.
Beppes binne net te beteljen.
Hja tanket de bern ek noch
foar it bringen en fral it heljen.

Op ’t lêst âld en kerbintich,
dan wurdt it beppe tefolle
en hja hopet dat de bern letter
ek op beppe passe wolle,

Sjoerd F. Talsma

maaie 12, 2018 08:59
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.