Ympuls foar kwaliteit basisûnderwiis
Resint ferskynd
foto: Omrop Fryslân
It ûnderwiisprojekt Boppeslach hat in positive bydrage oan de ûnderwiiskwaliteit fan de dielnimmende skoallen levere. Dat konkludearret de Fryske Akademy yn it ûndersyk nei de effekten fan it projekt. Yn 2006 wiene der relatyf in soad swakke en tige swakke skoallen yn Fryslân. Medio 2016 heart de provinsje Fryslân by de lanlike top 3 mei it lytste tal (tige) swakke skoallen.
Sawat 250 skoallen yn Fryslân krigen in subsydzje foar it ferbetterjen fan de kwaliteit fan it ûnderwiis. Mei it subsydzje koene skoallen nije metoaden en materiaal oantuge. Se koene de ekstra bydrage ek foar de profesjonalisearring fan skoallieders en learkrêften ynsette. De tredde opsje wie it ynsetten fan tydlike ekstra formaasje foar it trochfieren fan kwaliteitsferbetteringen.
Mei de ûnderwiisnotysje Boppeslach hat de provinsje € 15,5 miljoen yn it ûnderwiis ynvestearre. It projekt hat de learprestaasjes op it mêd fan taal, rekkenjen en kennis fan de wrâld ferbettere. Wichtich njonkeneffekt fan it projekt is it fergrutsjen fan it kwaliteitstinken yn it ûnderwiis. Skoalbestjoerders likegoed as learkrêften binne posityf oer it projekt.
Faaks ek nijsgjirrich
Skriuw in reaksje
2 opmerkingen
Sjoch opmerkingen
Skriuw in reaksje
De kwaliteit fan it ûnderwiis yn it Frysk is gjin sprút ferbettere en de learkrêften binne noch like efterlik yn it Frysk as earder. Weismiten jild dus.
Wy prate wy eins oer? Ja, it Hollânsk (‘taal’ neamd!).
De kwaliteit fan it Frysk telt net. Taal is foar de ynspeksje per definysje Hollânske taal. “Moedertaal” neame se dat, ek al praat de mem Frysk mei har bern. Allinne: de titel set jo op de ferkearde poat: Boppeslach. Dat bekket goed mar wat wie de boppeslach foar it Frysk??? De (Fryske) Akademy ferrekt it neat as hja har projektjild mar ynhelje kinne.