Is it Frysk âlder as it Nederlânsk? (fideo)
Resint ferskynd
Yn dizze fyfde ôflevering fan de rige Academia Franekerensis jout Henk Wolf in antwurd op in fraach dy’t him faak steld wurdt, nammentlik hokker taal oft no âlder is: it Frysk of it Nederlânsk.
De earste fjouwer ôfleveringen fan de searje wienen in grut sukses. De fideo fan Gerbrich de Jong oer Fryske oansprekfoarmen is it faakst besjoen. De side is yn trije wiken tiid hast achthûndert kear oproppen. De earste lichting fideo’s is no pleatst en de rige wurdt tydlik ûnderbrutsen. Oer in pear wike giet er fierder mei nije Frysktalige publykslêzingen.
Skriuw in reaksje
2 opmerkingen
Sjoch opmerkingen
Skriuw in reaksje
){kind=link}
Neffers my is it Frysk gjin West Germaanske taal, mar in Noard Germaansk taal. As Nederlanners ús praten hearre Tinke se dat wy út Skandinavië komme. In Grins foel it Frysk ûnder de Noard Germaanske
Noard-Germaanske talen binne talen dy’t ôfstamje fan it Ald-Noarsk. Der is gjin oanwizing foar dat dat by it Frysk it gefal is. Dat Ald-Noarsk ûnderskiedt him fan ‘e oare Germaanske talen troch in rige klankferoaringen, lykas it fuortfallen fan de [j] en [w] (‘jier/jaar/Jahr’ neist ‘år’, ‘wolf’ neist ‘ulv’) oan it begjin fan wurden en it opdûken fan in [j] yn bygelyks ‘jag, jeg’ (‘ik/ich’).