FN reagearret fûl op oanslach troch moslimterroristen
Resint ferskynd
De feilichheidsrie fan ‘e Feriene Naasjes is poerstrontmâl om de oanslach op ‘e universiteit fan Garissa. Yn dy Keniaanske stêd waarden likernôch tongersdei en freed hûndertfyftich minsken deadien troch moslimterroristen. In soad fan harren waarden ûnthalze, oaren deasketten. Sa’n tachtich minsken rekken ferwûne. De aksje rjochte him benammen op kristlike studinten en meiwurkers. De oanslach is opeaske troch de islamityske terreurbeweging Al-Sjabaab, dy’t syn thúsbasis hat yn buorlân Somalië. Ien fan ‘e dieders hat himsels mei eksplosiven opblaasd.
De Keniaanske plysje hat fjouwer dieders deade. De Keniaanske oerheid wurdt troch de FN priizge om ‘e trochtaastende oanpak fan it terrorisme. De plysje fertinkt in man út de stêd, Mohamed Kuno, fan de tarieding en lieding fan de oanslach. Kuno stiet bekend as de lieder fan Al-Sjabaab.
Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje