“Der wankt in steatsgreep troch IS yn Libië”
Resint ferskynd
De islamityske terreurkliber IS (earder: ISIS) koe wolris op ‘e râne fan Europa stean. Dêr warskôget alteast de Libyske minister fan útlânske saken Aly Zeidan foar. By in besite oan Londen makke de minister buorkundich dat de terroristen rûnom yn Libië warber binne en benammen yn ‘e grutte stêden gâns stipers en striders wûn hawwe.
Sûnt diktator Gadaffy yn 2011 daat is, is Libië oanhelle mei in foege boargeroarloch. Rivalisearjende kloften binne deilis en soargje foar oanhâldend geweld yn it lân. Dat makket neffens Zeidan it lân te ûnrêstich is om it ferdigenje te kinnen tsjin útlânske terroristyske groepen dy’t parten derfan feroverje wolle.
Neffens Zeidan kin de tastân yn Libië al binnen ien of twa moanne út ‘e hân rinne. Hy ropt de wrâldmienskip op en nim de driging yn syn lân tige earnstich. Zeidan: “It sil dan net inkeld útrinne op in grutte oarloch yn ús lân, mar ek útwaaierje nei Europa ta.”
IS hat op it stuit in grut part fan Irak en Syrië ûnder syn bewâld. De kliber hanthavenet yn dat saneamde ‘kalifaat’ in tige strange en wrede ferzje fan de mohammedaanske wet, de sjaria.
Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje