Earste nasjonale team Fryslân
Resint ferskynd
Under de namme National Medieval Combat Team Frieslande sil Fryslân fertsjintwurdige wurde op it ynternasjonale swurdfjochtevenement Battle of the Nations. It is de earste kear dat Fryslân mei in eigen nasjonaal team dielnimt oan in ynternasjonaal sportevenemint. Yn it team sitte swurdfjochters út de ferskillende Fryske lannen lykas East- en Noard-Fryslân. De Ynterfryske Ried docht yn in brief oan de organisaasje fan Battle of the Nations te witten dat se tige ynnommen binne mei in eigen Fryske fertsjintwurdiging oan it sportevenemint.
Yn it ferline ha der wol ris Westerlauwerske Friezen, East-Friezen of Noard-Friezen mei in eigen fertsjintwurdiging meidien oan in ynternasjonaal sportevenemint. Sa hienen de Noardfriezen by it EK fuotbal foar minderheden, de Europeada, in eigen alvetal gearstald. It nasjonale swurdfjochtersteam Fryslân is lykwols it earste ynter-Fryske team dat hiel Fryslân fertsjintwurdiget.
Skriuw in reaksje
5 opmerkingen
Sjoch opmerkingen
Skriuw in reaksje
Sjoch ris oan! Hjir wurd ik dus bliid fan. No noch foar fuotbal. 🙂
Dat is moai en wat om grutsk op te wêzen!
Gean sa fierder. Sjoch ris nei it olympysk spul. Fierwei de measte prizen binne nei Fryslân gien. Wat soe ‘t geweldich wêze as de Fryske flagge dêr te sjen wie.
Sitte der ek Westerlauwerske Friezen yn it team? Soe wol leuk wêze foar de Ljouwerter Krante. Dan hear ik it graach!
Hawar, tiid foar de EFA en oaren om har yn te setten foar it útkomme fan sporters foar harren eigene lân/regio. By ynternasjonale eveneminten. FLAGGE, FOLKSLIET, TENUE en wat net mear.