‘Dit bart allegear troch de rikelju’

LONDEN – In fraachpetear fan BBC-ferslachjouster Leana Hosea mei twa famkes dy’t tusken de plonderjende minsken yn Londen wyn sitte te drinken hat rûnom op ‘e wrâld skokte reaksjes oproppen. It Nijs jout in oersetting.

BBC: “It is healwei njoggenen yn ‘e moarn en jim sitte in flesse rosee te drinken.”
Famkes: “Ja, fergese alkohol!”
BBC: “Ha jim de hiele nacht oan it drinken west?”
Famke 1: “Ja. ”
Famke 2: “Wy hiene wat te fieren.”
Famke 1: “Ja! Wy ha wat fergees guod krigen.”
De famkes laitsje.
BBC: “Hoe âld binne jim?”
Famke 1: “Achttjin.”
Famke 2: “Hast achttjin.”
BBC: “Geane jim nei skoalle, studearje jim?”
Famke 1: “Nee, wurk.”
Famke 2: “Ik doch neat.”
De famkes laitsje.
Famke 2: “It is de skuld fan ‘e regearing.”
Famke 1: “Gjin idee, de konservativen.”
Famke 2: “It giet derom dat wy de plysje sjen litte dat wy dwaan kinne wat wy wolle. En dat ha wy dien.”
BBC: “Dus jim tinke dat it fannacht sa trochgiet?”
Famkes: “Ja, hooplik wol.”
BBC: “Tinke jim oan Croydon [=wyk fan Londen, red.], tinke jim oan oare plakken?”
Famkes: “Oeral!”
BBC: “Hoe witte jim wêr’t jim as folgjende hinne moatte?”
Famke 2: “Pakst gewoan dyn blackberry …”
Famke 1: “… bekendmakking!”
BBC: “Mar dit binne minsken út de buert. Wêrom binne minsken út de eigen buert it slachtoffer, jim eigen minsken?”
Famke 1: “It binne rikelju.”
Famke 2: “Dy ha bedriuwen. Dy ha bedriuwen en dêrom bart dit allegear, troch de rikelju. Wy wolle de rikelju sjen litte dat wy dwaan kinne wat wy wolle.”