Britske krante makket djoere flater
Resint ferskynd
PARYS – De Britske krante Mail on Sunday hat in grutte flater slein, dy’t in Frânske bank miljoenen euro’s koste hat. De krante hat nammentlik in ôflevering út in fiksjoneel ferfolchferhaal út de Frânske krante Le Monde foar serieus oansjoen en oernommen. Skriuwer Philae beskriuwt yn dy ôflevering fan Terminus pour l’euro hoe’t de Frânske bank Société Générale op it rantsje fan in fallyt stean soe.
Frânske krantlêzers witte dat Terminus pour l’euro fiksje is, mar Mail on Sunday hie dat net yn ‘e rekken en de Britske lêzers fan ‘e krante likemin. De oandielen fan Société Générale binne nei it ferskinen fan de Britske krante 10% keldere. De bank ûndersiket oft er juridyske stappen tsjin Mail on Sunday sette kin. De krante hat syn ekskuses oanbean.
Skriuw in reaksje
1 opmerking
Sjoch opmerkingen
Skriuw in reaksje
…mar ja, jild, altiten en ivich gedonder!