Iismummy Ötzi rekonstruearre

febrewaris 28, 2011 15:21

ARNHIM – De man op ‘e foto hjirneist hat 5300 jier lyn libbe. De foto lit in rekonstruksje sjen fan it gesicht fan Ötzi, de man dy’t yn 1991 ynferzen yn de Alpen oantroffen waard.

Ötzi hie in behindich postuer, hy wie meager en like âld foar syn jierren. Hy moat doe’t er stoar sa’n 45 jier âld west hawwe.

De rekonstruksje fan Ötzi syn gesicht is makke troch twa Nederlanners, Alfons en Arie Kennis fan Arnhim. Hja binne spesjalisearre yn it rekonstruearjen fan lichems oan ‘e hân fan bonkerakken en omskotten. Dêrfoar brûke se ûnder oaren 3d-scans fan Ötzi syn plasse.

Ötzi is neamd nei de Ötztaler Alpen, it diel fan it berchtme dêr’t er fûn wurden is. Hy leit sûnt 1998 útstald yn it Südtiroler Archäologiemuseum yn Bozen. De mummifisearre lea wurde yn in spesjale bak bewarre, dat se yn in goede steat bliuwe. Ötzi is nei alle gedachten fermoarde: hy hat ferskate slimme smertlapen en in pylk oan ‘e lofterside yn it boarst.

febrewaris 28, 2011 15:21
Skriuw in reaksje

4 opmerkingen

  1. Piter febrewaris 28, 18:47

    Ik sjoch se ek wolris op de tribune by sc Hearrenfean.

  2. Erwin90 maart 1, 07:56

    Hoesa? Hie Ötzi in termosflesse kofje by him?

  3. Henk maart 1, 13:29

    @Erwin: mei in flötzi molke deryn?

  4. Erwin90 maart 1, 14:13

    Net tefolle molke Henk, oars is de kofje samar kâld. Dy âlde mannen moatte it wol in bytsje waarm ha yn it stadion. Fan it fuotbal sjen krijst it ommers net waarm….. Seker net as dyn klup nei in 2-0 foarsprong mei 3-4 op ‘e bealch krijt.

Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.