Dútsers binne tûker wurden

april 7, 2010 01:20

Dútsers binne yn de jierren ’90 tûker wurden. It Dútske IQ is tusken 1988 en 2002 mei njoggen punten omheech gongen. Dat skriuwe de ûndersikers Claudia S. Erzberger en Rolf R. Engel yn it nijste nûmer fan it Zeitschrift für Neuropsychologie. De ûndersikers konkludearren dat de IQ-tests fan 2002 gâns stranger beoardiele waarden as dy fan 1988. As men deselde beoardieling tapasse soe, blykte dat de yntelliginsje tanaam wie.

It is net wis oft it Dútske IQ nei 2002 noch fierder tanaam is. Rûnom yn Europa is sûnt de ieuwiksel nammentlik in delgong fan de trochhinne yntelliginsje te sjen. Benammen it fermogen om selsstannich nije ynformaasje op te nimmen wurdt by Europeanen minder. Yn Afrika en Azië wurde minsken noch wol hieltyd tûker.

april 7, 2010 01:20
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.