Auwerk: East-Frl is gjin Nedersaksen

april 18, 2010 16:22
 
Nijeskâns/Bunde – De Groep fan Auwerk hat yn de nacht fan 16 op 17 april yn aksje west. It boerd Nedersaksen by Nijeskâns is ferfongen troch Oost-Fryslond.
 
Friezen wienen nea ûnderdiel fan it Saksysk stamgebiet. Bûten it Fryske wengebiet ûntstie der yn it gebiet fan it hjoeddeiske Nedersaksen yn de 7e ieu in Saksysk wengebiet. Nei de oergong fan de Fryske frijheid nei it greefskip Eastfryslân om 1500 hinne like de selsstannichheid fan East-Fryslân ferwissige. Yn 1744 rekke it greeflik gesach wei omdat der gjin troanopfolger wie foar de greve fan Eastfryslân. De kening fan Prusen, Frederik de Grutte, makke dêr tankber gebrûk fan en tekene de Emdener Konvinsje mei de magistraat fan Emden. Dêrmei kaam der in ein oan de selsstannichheid fan it greeflike Eastfryslân.

De befolking fan East-Fryslân hat de magistraat fan Emden net ûndertekene. De magistraat fan Emden wie nea demokratysk keazen. Troch de ieuwen hinne hat de befolking him altyd ‘Fries’ fielt. De befolking hâldt altyd it rjocht om te kiezen wêr’t se byhearre.

Nei de Twadde Wrâldkriich lei it hjoeddeiske Nedersaksen yn de Britske besettingssône. It wienen de Alliearden dy’t in nije bestjoersstruktuer oanbrochten yn West-Dútslân. Yn dy struktuer wie noch plak foar in East-Frysk bestjoerlik elemint, it ”Regierungsbezirk Aurich”.

Yn 1978 is it Regierungsbezirk Aurich opheft. It Regierungsbezirk omfieme it eardere greeflike Eastfryslân. Oant 2004 wie it Regierungsbezirk ûnderdiel fan de bestjoersienheid (Regierungsbezirk) Weser-Iems. Yn 1981 waard de ”Tag der Nedersachsen” foar it earst holden. In inisjatyf fan Wilfried Hasselmann (CDU Minister fan Ynlânske Saken yn Nedersaksen), om de Nedersaksyske identiteit te fersterkjen. Syn opfolger Gerhard Glogowski (SPD) die dêr noch in skepke boppe-op. Neffens him wie sels it Dútske leger (Bundeswehr) in ûnderdiel fan de Nedersaksyske identiteit.

It is der dan fansels ek fier by troch as ús ieuwenâlde Fryske waadsee, no de Nedersaksyske Waadsee neamd wurdt. Sa’t de titel fan Franz Kurowski syn boek seit binne it; ”Die Friesen – Volk am Meer”.
Oostfreesk-platt Wi bünt een heel bült aober wi bünt heel maal kien Nedersassen.
Seelterfräisk Wi konne fuul weese man wi sunt neen Läichsaksen.

Wy, Friezen út East-Fryslân, binne fan betinken dat it stelselmjittich oplizzen fan in saneamde identiteit dy’t net bestiet, net langer kin. Is it net sa dat alle Friezen út alle Fryslannen al lang erkend binne as nasjonale minderheid? De tiid fan it nasjonaal-sosjalisme, wêryn’t minderheden har net frij uterje mochten, leit 65 jier efter ús. Krekt dêrom soe de Dútske steat it goede foarbyld jaan moatte.

Wy hawwe alfêst it boerd by Nijeskâns/Bunde ferbettere en East-Fryslân foar de Friezen út Nederlân sichtber makke. Wy hoopje fral dat ús bruorren út it Ommelaander Fraislaand dit foarbyld gau oernimme en har befrije fan har opleine Saksyske identiteit. Ek al leit Fryslân hjoed-de-dei oer twa steaten ferdield, de Fryske gebieten binne foar inoar gjin bûtenlân. Dy ûnderlinge bân moat fan in bysûndere aard wêze.

Boarne: http://www.groepfanauwerk.com/homeFLeechsaksen.html

april 18, 2010 16:22
Skriuw in reaksje

2 opmerkingen

  1. AERTS Jacques juny 25, 15:25

    Ik begrijp dat alle Friesen verenigd willen worden maar waarschijnlijk stoot deze gedachte vele politici tegen de borst. Maar het huidige dialect van Oost-Friesland is nu een een Neder-Saksische taal en het oude Friese dialect is verloren gegaan maar deze streektaal is bijna dezelfde als de Groningse streektaal en ik begrijp niet dat uw vereniging Provinsje Plus Fryslân en Drenthe heet. Kunt u mij meer details daarover geven ?
    Bij voorbaat dank ik u
    J.AERTS
    Taalkundige gespecialieerd in Nederduitse dialekten.

  2. A. Plantiga juny 25, 17:40

    Het lokale dialect in de Ommelanden is een mengtaal. Het bevat zowel Friese elementen als niet oorspronkelijke Saksische elementen.

    In Oost-Friesland wordt het Saterfries gesproken. In het Groningse Westerkwartier wordt ook Fries gesproken.

    ”De taal is de ziel der natie” klingt mooi, maar de Oost-Friezen van de Groep fan Auwerk willen er blijkbaar niks van weten. Argumentatie en onderbouwing heb ik wel kunnen vinden op de (NL) website van de Groep fan Auwerk.

    Auwerk is geenzins een taalkundige of culturele groep. Zij laten de discussie voor wat betreft de taal open. Ik zie enkel en alleen de suggestie om Saterfries als gemeenschappelijke taal te gebruiken.

    Gezien uw vraag raad ik het u aan om de website http://www.groepfanauwerk.com op deze punten nog eens goed door te lezen. Misschien is het handig om daarna de Groep fan Auwerk direct via e-mail te benaderen want het is mij volstrekt onduidelijk tegen wie u zich nu richt.

Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.