Twitteren wint ferkiezing

novimber 24, 2009 15:01

It genoatskip Onze Taal hat op it Onze Taalkongres it wurd twitteren ta wurd fan it jier 2009 keazen. Dit jier wie it wurd troch in sjuery keazen, en net fia ynternet bepaald. Foarich jier mislearre de ynternetferkiezing foar in part, trochdat bepaalde websteeën de ferkiezing “ûnwinsklik” beynfloede hienen.

Twitteren wûn fan wurden lykas kopvoddentaks, vaccinatieangst en vuvuzela. It is net bekend oft Geert Wilders, dy’t de namme kopvoddentaks betocht hie, teloarsteld is oer de útslach.

Foarich jier wie it wurd “swaffelen” as wurd fan it jier keazen.
Mei Twitter kinne brûkers koarte berjochten fan 140 tekens útwikselje. Yn de Amerikaanske weblogartikels oer ynternet en marketing  giet no al hast 25 persint oer Twitter.
Dochs liket de groei fan it besyk oan twitter.com de lêste tiid flink te sakjen. Nettsjinsteande dat nimt it tal nije besikers noch hieltiid ta. Dit jier wurdt Twitter  grif wol it rapst groeiende sosjale netwurk, metten yn persinten. Yn absolute tallen groeit Facebook folle mear.

novimber 24, 2009 15:01
Skriuw in reaksje

Gjin opmerkingen

Noch gjin opmerkings

Der binne noch gjin opmerkingen, mar jo kinne de earste wêze

Skriuw in reaksje
Sjoch opmerkingen

Skriuw in reaksje

Jo mailadres wurdt net sichtber foar oare besikers fan dit webstee.
As der in stjerke by in hokje stiet, moatte jo dêr wat ynfiere.*

This site uses Akismet to reduce spam. Learn how your comment data is processed.