Turkije tinkt oan wegerjen Wilders
Resint ferskynd
It Turkske ministearje fan Bûtenlânske Saken lit de fraach yn him omgean oft PVV-lieder Geert Wilders wol ta it lân talitten wurde moat. In parlemintêre delegaasje út Nederlân, dêr’t Wilders by is, giet begjin jannewaris nei Turkije.
Deiblêd Aksam pakte hjoed op de foarside grut út oer Wilders’ besite oan Turkije. Ek de steatsstjoerder TRT berjochte deroer. Mocht Wilders yndied diel útmeitsje fan de delegaasje, dan soenen alle doarren yn regearingssintrum Ankara foar de groep sletten bliuwe, melden de Turkske media.
De krante basearret him op in anonime boarne, dy’t sein hat dat Ankara De Haach dêr ûnderwilens oer ynformearre hat. De Nederlanners soene kieze of diele moatte: òf Wilders yn de groep, òf moetings mei ûnder oaren de Turkske minister fan Bûtenlânske Saken Davutoglu en de Turkske EU-ûnderhanneler. Ankara koe dat net befêstigje en woe allinnich kwyt dat der oerlis geande is oer de besite.
Skriuw in reaksje
Gjin opmerkingen
Sjoch opmerkingen
Skriuw in reaksje
Der binne noch gjin opmerkingen, mar jo kinne de earste wêze
Skriuw in reaksje