Duorsum hout en duorsum ûndernimme

Sawol de opdrachtjouwer as de opdrachtnimmer kinne op ferskillende wizen bydrage oan duorsum ûndernimmen. Nim bygelyks it stimulearjen fan ferantwurde  boskbehear. Troch yn projekten FSC-sertifisearre hout foar te skriuwen, ferplichtet de opdrachtjouwer de oannimmer om gebrûk te meitsjen fan mei ferdrach kappe hout. It besit fan it FSC-sertifikaat kin dêr in oanfoljende eask by wêze. Dêrmei is dan de lêste skeakel  yn de ketting, benammen de ferwurker, waarboarge en kin mei wissichheid fêststeld wurde dat FSC-hout brûkt is. Dêr komt by dat fan 1 jannewaris 2010 ôf de ryksoerheid, gemeenten, provinsjes en wetterskippen by achterinoar 100%, 75% en 50% fan harren ynkeapen duorsumens as swierwagend kenmerk meinimme sille.

Oan de kant fan de opdrachtjouwers is in gemeente as Boskoop in goed foarbyld. Dizze gemeente stelde as earste gemeente yn Nederlân it brûken fan FSC-sertifisearre hout en it by de oannimmer yn it besit hawwen fan in FSC-sertifikaat by al har bouprojekten ferplicht. Dêrneist easket se dy sertifisearring ek fan it hout dat yn helpkonstruksjes en helpmiddels ferwurke wurdt. Mei dy maatregel set dy gemeente dus in grutte stap yn de goede rjochting.

Omdat KWS Infra, fêstiging Rotterdam, it brûken fan FSC-sertifisearre hout ûnderskriuwt, hat se it FSC-sertifikaat ek behelle. Mei dit sertifikaat draagt KWS Infra by oan de striid tsjin ûnferantwurde ûntbosking. It betsjut ek dat der earlike leanen útbetelle wurde, de wetjouwing neilibbe wurdt en soarchfâldich en mei ferdrach hout kappe wurdt. It bosk yn syn gehiel wurdt sa net oantaaste en it bliuwt dus gewoan, net-skeind fuortbestean. It brûken fan FSC-sertifisearre hout is dêrom íén fan de bydragen oan duorsum ûndernimmen.

Boarne:  Markant (KWS)